Gəldim vüsali-yarə yetəm fürsət olmadı,Bir dəm doyunca söhbət edəm, qismət olmadı.

Cövrün çəkib həmişə bu zülfü qarələrin,Divanə könlümə yenə bir ibrət olmadı.

Cənnətdi məclisim, elə ki, gəldi dün rəqib,Məclis cəhənnəm oldu, mənə cənnət olmadı.

Az olsa badənin çox olur ruhə ləzzəti,Həddindən artıq içdin, o bir ləzzət olmadı.

Sərvim, deyəndə sanma, qiyamətdi qamətin,Məhşər ki qopmadı, sənə bir töhmət olmadı.

Fərhadı fəzli-sənəti sevdirdi Şirinə,Şirini eşqə bənd eləyən surət olmadı.

Eşqində ölmək həsrəti öldürdü Vahidi,Çox yaxşı oldu – istəyinə həsrət olmadı.

Use ← → keys to move, R for a random poem

Random poem

More by this author

Poems by other poets · Love