Gözəl, müşkül sənintək bir nəfər sahibcamal olsun,Yəqin ki, bu qara gözlər belə xətt ilə xal olsun.

Dişin inci, ləbin qönçə, gözündür nərgisi-şəhla,Bu nemətlər sənin vardır, bəşərdə bu məhal olsun.

Qılıb pürnur dünyanı günəş göy üzrə, ey məhru,Üzün nurun ona göstər, görən tək infial olsun.

Xəyali-səhv edib, ey məh, qaşın mehrabə bənzətdim,Xəmidə qaşlarıntək, haşəlilləh, bir hilal olsun.

O zülfə şanə vur axır pərişan eylə sünbültək,Dili-üşşaq əgərçi istəsən aşüftəhal olsun.

Kimin zülfünə, Vahid, ehtimad etdim, könül verdim,Cahanda görmədim bir yar məntək əhli-hal olsun.

Use ← → keys to move, R for a random poem

Random poem

More by this author

Poems by other poets · Love