Sənin cəmalın ilə fəxr edir bizim elimiz!Sən olmasan, nəyə lazım baharımız, gülümüz?

Güləndə gül dodağın qəlbimiz sevinclə dolur,Fərəhlənir səni görcək çəməndə bülbülümüz.

Bu ölkənin sənə qarşı böyük məhəbbəti var,Səninlə xoş keçinir ruzigarımız, ilimiz.

Bu sadəlik, bu gözəllik böyük səadətdir,Vətəndə yox sənə bənzər həqiqi sevgilimiz!

Tərəhhüm eylə bizə, ey gözəllərin mələyi,Yanında özgələrin qoy qısalmasın dilimiz.

Səni sevənlərinin biz də aşinalarıyıq,Cahanı axtarasan, yox bizim müqabilimiz.

Görünmədən bizə, Vahid, bu bir səadətdir,Bu ilki bayramı da oldu yar mailimiz.

Use ← → keys to move, R for a random poem

Random poem

More by this author

Poems by other poets · Love