Təmir edən olsa
Zəhləm gedir, ay Kirpi, qaranlıq gecələrdən,Gəl bir gecə keç sən də bu bərbad küçələrdən.
Azdır, demə çirkin küçə, saysan yüzəcəndir,Lap raysovetin olduğu yerdən bizəcəndir.Yağmurda bizim məhlədə palçıq dizəcəndir,Gəl bir nəzər et, burdakı çirkab, selə qardaş!Çəkdir bu yerin şəklini, tənqid elə, qardaş!
Pul sərf eləyirlər, düzü zəhmət də çəkirlər,Asfalt küçənin üstünə asfaltı tökürlər,Bir həftə keçir, bir də görürsən ki, sökürlər,Vardır küçələr heç qəti asfaltı da yoxdur,Saymaq nə gərəkdir, belə faktlar hələ çoxdur.
Göyçək Bakı tənqid oluna, indi nahaqdır,Hərgiz demək olmaz, mədəniyyətdən uzaqdır,Düzdür, yuxarı məhlələri köhnəsayaqdır,Tezliklə bu nöqsanlara tədbir edən olsa,Bərbad küçə qalmaz, onu təmir edən olsa!
Kitabxana.az · https://kitabxana.az/en/works/vahid-temir-eden-olsa
Use ← → keys to move, R for a random poem
More by this author
Ey könül, sev elə cananı, güləndam olsun,Sözü şirin, özü bir şuxi-dilaram olsun.
Yarın səri-kuyində təki məskənim olsunYarın səri-kuyində təki məskənim olsun,Cənnət adı çəksəm, mənə tanrı qənim olsun.
Qoyma, ey məh, üzünü zülfi-pərişan tutsunQoyma, ey məh, üzünü zülfi-pərişan tutsun,Niyə bu hüsnilə aləm sənə nöqsan tutsun?
Gülün eşqində gərək bülbüli-nalan oxusunGülün eşqində gərək bülbüli-nalan oxusun,Aşikar eyləməyib dərdini, pünhan oxusun!
Poems by other poets · Satire
Molla Suğraya ziyarət eylə qismət, ya Hüseyn!Siğə olsun bir müsəlmana bu övrət, ya Hüseyn!
Dübarə-səbarəVerir müsəlmanə yüz macəra dübarə-səbarə,Edir qəzetlər ona iftira dübarə-səbarə.
AğarıbdırDivanə könül, daxı usan, yal ağarıbdır,Bir güzgüyə bax gör ki, pərü bal ağarıbdır,
Ağlaşma ("Nə rəvadır əğniyalər baxa ac qalanə, ya rəb!")Nə rəvadır əğniyalər baxa ac qalanə, ya rəb!Bu nə söz ki, ac qalanə oluna ianə, ya rəb!