Könül, uyma bivəfayə,Axır səni xərab eylər;Salıb eşqin atəşinə,Cigərini kəbab eylər.

Dil bağlama bir dilbərə,İstər yolunda can verə.Beş gün keçməz, əbəs yerə,Görərsən, inqilab eylər.

O zaman ki, dönər üzü,Bəhanəli olar özü,Açar, çəkər, iki sözüUzadıb bir kitab eylər.

Onlarda olmaz, müxtəsər,Mehri məhəbbətdən əsər.Sənə biganədən betərCəfa verib əzab eylər.

Zakir, sevən kəs novcavanGərək eyləyə imtəhan.Sonradan olur peşimanHər kimsə ki, şitab eylər.

Use ← → keys to move, R for a random poem

Random poem

More by this author

Poems by other poets · Love