Kar eşidən günü
Qəlbimdən qan damır, gur ocaqlarınYerində kül görüb, qor görən günü.Varlıq gözlərimdə heçliyə dönür,Gözlərim dünyanı tor görən günü.
Mələk ömrü yaşa, nə əzil, nə əz,Baş vur bu dünyaya, hey gəzdikcə gəz.Yaşamaq bir qara qəpiyə dəyməz,İnsan ayaq üstə gor görən günü.
Məhəbbət işığım, sevgi şamımdı,Dağ arxam, el gücüm, haqq ilhamımdı.Mənim ən müqəddəs toy-bayramımdı,Kar eşidən günü, kor görən günü.
2000, 2 fevral
Kitabxana.az · https://kitabxana.az/en/works/zelimxan-yaqub-kar-esiden-gunu
Use ← → keys to move, R for a random poem