Olmaz
Dəymə, dəymə, könlüm sana aşiqdir,Aşiqin qəlbini sındırmaq olmaz!Mənim sözüm bir ilahi eşqidir,Kərəmi bu qədər yandırmaq olmaz!
Göydə şimşək kimi çaxdım, ölmədim,Özümü yandırıb-yaxdım, ölmədim!Yoluna, izinə baxdım, ölmədim,Məcnunu bir belə sındırmaq olmaz!
Yalvarram, yaxarram yola gəlməzsən,Axan göz yaşımı durub silməzsən!Nə söz anlamazsan, nə dil bilməzsən,Doğrudan uşağı qandırmaq olmaz!
Rüsvayi-cahanam Sənandan betər,Sən tərsa deyilsən, bu zülmün yetər!Sinəmdə bir bülbül göynəyib ötər,Nə fayda, sözümü andırmaq olmaz!
Qəm çəkər, qəm yeyər Cavad nə vaxtdan,Kəm oldum taledən, kəm düşdüm baxtdan!Qarşında qul ollam, düşməzsən taxtdan,Bu qanlı sevdanı dandırmaq olmaz!
Kitabxana.az · https://kitabxana.az/ru/works/cavad-olmaz
Клавиши ← → для перехода, R — случайное стихотворение
Другие произведения автора
Стихи других поэтов · О любви
Bahar oldu, qurı çaylar daşalı,Sökuldu könlümün bəndi, neylim.
BismillahQaşına yazılmış sətir bismillahHəbibin surəsi nəsrun minəllah
Gər səninçün qılmayam çak, ey büti-nazik bədənGər səninçün qılmayam çak, ey büti-nazik bədən.Gorum olsun bu qəba, əgnimdə pirahən-kəfən.
Təcnis: Ey sülatin, nə xəşmlü baxırsanEy sülatin, nə xəşmlü baxırsanSən deyən günahkar yamən deyiləm