İçün
Bir neçə nəzm yazım həzrəti-sultanım içün,Göndərim payi-mələxşahi-Süleymanım içün
Zahiri şeir, vəli batini əş'ari-nəsuh,Yadigari deyürəm məşəri-ixvanım içün
Doğrusu mən nə qədər fikr edirəm dünyaya,Görmərəm qeyri-fəna gərdişi-dövranım içün
Axirət aləminin məzrəəsi dünyadır,Hanı bu məzrəənin hasili ənbanım içün
Yanacaqdır bu əməldən, bilirəm, bustanım,Tökmüşəm toprağımı çeşmeyi-heyvanım içün
Baxıram pişü pəsim cümlə gənə məbhutam,Bilmərəm çarə nədir surəti-heyranım içün
Bircə əfsus, günah eyləyirik ixlasən,Bircə qəlbən demirik ah peşimanım içün
Gün gedir, ömr gedir, zülməti-rehlət yetişir,Görmərəm şəm'i-əməl buğeyi-ehsanım içün
Yol uzun, tuli-səfər, məqsədi-rəh vahiməlü,Ah yox bir əməlim məhşərə divanım içün
Qocalıq gəldi, gəlür çəngi-əcəl canım içün,Nə tədarük eyləyim hali-pərişanım içün
Diş gedib, göz ağarıb, qəd əyilib, başım əsir,Bu sifətdə necə mən pul qazanım xanım içün
Yığılıb övrət-uşaq, hər biri bir zad diləyir,Tökülübdür bu qədər muru məgəs qanım içün
Bir deyil fikri-müsibət, birinin fikrin edim,Yüz bəlalar yeriyür haləti-piranım içün
Didə, xətm eylə sözü, hər sözünün mə'nasıDürreyi-nadirədir vəznində mizanım içün
Kitabxana.az · https://kitabxana.az/ru/works/dide-icun
Клавиши ← → для перехода, R — случайное стихотворение
Другие произведения автора
Xəyalü fikrə gətir şeş cəhati-dünyanı,Təsəvvür eylə cəmiən cahani-imkanı
Gəlib gedibEy dil, cahana gör neçə kəslər gəlib gedib,Təqrirlə bəyandan əksər gəlib gedib
Qəbri-sədxaqandırEy könül, dünyayi-fani bil-bədahə fandır,Müddəti-tuli-bəqası ləhzeyi-əcfandır,
Mövizə: Cahani-faniyənin axırı fənayətdirCahani-faniyənin axırı fənayətdir,Bu bir səhih süxən müxtəsər hekayətdir