Keçdiyin yerlərdən keçib Kür çayı,Öpəydim öpdüyün sahilləri mən.Sinəmə arabir yarpaq düşəydiO yaşıl hörüklü söyüdlərindən.

Keçdiyin yerlərdən keçib Kür çayı,Baxaydım o əziz, doğma yerlərə.Mənim də gözümdə əks eləyəydiQoynunda əks edən hər bir mənzərə.

Keçdiyin yerlərdən mən dinləyəydimXallı turacları, torağayları.O təzə dənizdə¹ mən bəsləyəydimPullu xəşəmləri, ağ şahmayları.

Keçdiyin yerlərdən keçib Kür çayı,Nəğmələr deyəydim mən bütün günü,O vaxt anlayardım, o vaxt duyardımƏsl səadətin böyüklüyünü!

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов