Bu dünya belə dünyadı
Sağ əl sola lağ eləyir,Sol əl sağdan umur, küsür.Bulaq çaydan, çay dənizdən,Dərə dağdan umur, küsür.
Bülbül bülbülə qısqanır,Tikan güldən narazıdı.Zil bəmə ucadan baxır,Bəm də zildən narazıdı.
Buludu-buluda çaxır,Fırtına qoparır həsəd.Daş quma qıyğacı baxır,Qum daşa aparır həsəd.
Qar yağışa göz ağardır,Yağış qara həsrət çəkir.Ağaclar, quşlar, insanlarUlduzlara həsrət çəkir.
Günəş ayı saymır, keçir,Ay günəşə edir qibtə.Bu minval yüz-yüz, minlərcəGörk var ana təbiətdə.
Varaq-varaq tarixə bax!Kökdən gəlir hər bir adət.Qibtədən paxıllığadək,Qovdu bizi həsəd, həsrət.
Qara ağı, qış baharı,Göl də çəməni bəyənmir.Mən kimisə bəyənmirəm,Kimsə də məni bəyənmir.
Biri-birinə göz qoyur,Bir-birini güdür insan.Paxıllıq öyrədir bizə,Ta dünya binnət olandan.
Paxıllıq can güvəsidir,Nə qazanır görən paxıl?Paxılların ürəyindənQan yerinə paxır axır.
Bu millətin şairi çox,Paxılı da çoxmuş, atam!Paxılı çox olan xalqın,Sabahından narahatam.
23-30 dekabr, 2003
Kitabxana.az · https://kitabxana.az/ru/works/fikret-sadiq-bu-dunya-bele-dunyadi
Клавиши ← → для перехода, R — случайное стихотворение
Другие произведения автора
Стихи других поэтов · О природе
Tərif edim Nuxa yerin yerləri gülşən kimidir,Söyləyib danışmağı hər biri bir can kimidir,
Gəraylı: Gənə fəsli-bahar olduGənə fəsli-bahar oldu,Yanıb-yanıb ötər bülbül.
ز بوی باد آزاری ز نقش ابر نیسانینه پندارم که با بستان بهشت عدن یاد آری
Ey mənim laləzər çiçəkli bağçamEy mənim laləzər çiçəkli bağçam,Gülüstan qoynunda fəvvarə vuram,