Növxəndə çiçəklər
Mələküs-sibyanə növşükuftə
şe'rlər ithaf edirəm
Simaxi-Məğribə xəndan ikən rübabi-nəğəm,
Yanaqlarında neçin ağlayır bu çeşmeyi-qəm?
Sənin, a cinsi-lətifim, ey ümməhati-həyat,
Nəsibin iştə mühitatımızda həp nəvəhat.
Şükufə misli gülüşlər açılsa ruyunda,
Olurdu bülbüli-dil bənd o tari-muyunda.
Əsirin, ey mələkim, bax nasıl da azadə!
Bu Qərb elində üzün rəhnümadı irşadə.
Rüxündəki o niqabə baxanda qəmli gözüm,
Mühiti-müzlimi seyr eyləyər bu nəmli gözüm.
Üzündə pərdeyi-şəbrəng, bizdə fikri-siyah,
Qaranlığın üzü ükşadə, örtülənsə – sabah.
Əvət, üzündə bulut var səmayi-rəxşanın,
Saçın həyatımıdır Məşriqi-pərişanın?
Libasi həp gecələrdən, xürafədən hörülən –
Mühitimizdə işıqdır sönən, ölən, gömülən.
Nədən ki, yüksəliş ə’dasıyız, nədir səbəbi?
Həp alçalışmı bu Şərqin mətai-müntəxəbi?
Nədən ibadi-zülamız, neçin də düşməni-nur?
Açıl, görün bu mühitə, a çöhreyi-məstur!
Açıl, səhərləri boğsun bu leyli-dicurun,
Rəhi-nicatı görünsün bu qövmi-məqhurun.
Cəmali-şə’şə’əbarın ziyafəşən olsun.
Bu afitabü hilalın zəfərnişan olsun.
Qaşın hilal, üzün afitabi-aləmtab,
Sənin camalını bəklər bu iki ərzi-xərab.
Günəşlə ay ala bilsin ziyanı ruyundan,
Bu Məşriq olmalı hüşyar buyi-muyundan.
Əsarət istəməm, əmma o zülfi-səyyadi –
Görər, olar da əsirin bu hürr olan Hadi.
4 iyun
Kitabxana.az · https://kitabxana.az/ru/works/hadi-novxende-cicekler
Клавиши ← → для перехода, R — случайное стихотворение
Другие произведения автора
Bu gündə qədrşünasan qəriqi-möhnətdir,Bu gündə çeşmi-ədəb əşkrizi-həsrətdir.
Ədvari-təcəddüd, əs'ari-inqilabTutmuş bütün əvalimi tufani-inqilab,Dəhhətnümuni-hövldür ümmani-inqilab.
Əş'ari-pərişan, yaxud solğun çiçəklərDəryadə kəfü mövceyi-cuşan pərişan,Qə'rindəki əsdafi-dürəfşan pərişan.
ƏqlCahanda əql misli varmı rəhbər?Bəşər danişlə oldu kampərvər.
Стихи других поэтов
Ay ağalar ay qazılarGöy çadırda duran kimdi
Milli marşVurulur meydanda sinci-dəf,Vurulur meydanda sinci-dəf,
Təcnis: Nazlı yara dərdi-dilim yazmağaNazlı yara dərdi-dilim yazmağa,Nə bir kağız tapdım naqaləmindi,
Qəzəl: Həzər qıl yarın, ey dil, gör gözü güncündəki xalıHəzər qıl yarın, ey dil, gör gözü güncündəki xalı,O bir əyyar hindudur kim olmaz fitnədən xali