Bahar lövhələri
Yenə dağlar dumanlardan üzə çıxır,Çəmənlərdə yaşıl otlar dizə çıxır.Bulaq üstə yarpız hələ təzə çıxır,Yollara iz sala-sala bahar gəlir,Qanadlanıb durnalarla bahar gəlir.
Zümrüd göyə kəmər çəkir qövsi-qüzeh,Budaqlara cərgə-cərgə düzülür şeh.Buludları sağa-sola dağıdır meh,Yollara iz sala-sala bahar gəlir,Qanadlanıb durnalarla bahar gəlir.
Baş götürüb dərələ sellər axır,Yer oyanır yuxusundan ağır-ağır,Boz torpağın sinəsindən buxar qalxır,Yollara iz sala-sala bahar gəlir,Qanadlanıb durnalarla bahar gəlir.
Quzeylərdə qar əriyir damcı-damcı,Güneylərdə güllər açır göy, narıncı...Gurladıqca şimşəklərin sərt qırmancı,Yollara iz sala-sala bahar gəlir,Qanadlanıb durnalarla bahar gəlir.
Çəmən yaşıl süfrə açır məhəbbətlə,Quşlar ötür, nəğmə deyir hərarətlə.Bir dünyalıq nəvazişlə, səxavətlə,Yollara iz sala-sala bahar gəlir,Qanadlanıb durnalarla bahar gəlir.
Köhlən kimi şahə qalxır hərdən külək,Hərdən hava sakit olur bir quzutək.Kəpənəklər uçuşurlar ürkək-ürkək,Yollara iz sala-sala bahar gəlir,Qanadlanıb durnalarla bahar gəlir.
Boşqablarda göy səməni cərgə-cərgə,Axşam olur, dağlar düşür neçə rəngə.Qapılara şirni-noğul tökə-tökə,Yollara iz sala-sala bahar gəlir,Qanadlanıb durnalarla bahar gəlir.
Novruzgülü qar altından çxır üzə,Şəfəqlərdən bir don geyir təzə-təzə,Sanki ulduz səpilmişdir çölə, düzə,Yollara iz sala-sala bahar gəlir,Qanadlanıb durnalarla bahar gəlir.
Lalə şehlə doldurmuşdur qızıl camı,Deyir, şadlıq məclisimə gəlsin hamı.Şerə sığmır təbiətin ehtişamı,Yollara iz sala-sala bahar gəlir,Qanadlanıb durnalarla bahar gəlir.
Kitabxana.az · https://kitabxana.az/ru/works/medine-gulgun-bahar-lovheleri
Клавиши ← → для перехода, R — случайное стихотворение
Другие произведения автора
Стихи других поэтов · О природе
Başladı novbahar, çəmən seyrinə,Çıxıbdı gözəllər, ay yaz ayları.
Neçə bahar yola salmışamNeçə bahar yola salmışam,ancaq
Cəfərqulu xanın vəfatı münasibətilə təziyənaməƏfsus, cəfakar zəmanənin gərdişinə ki,Gül kimi ürəklər onun əlində xar oldu.
Gül bağıLənkəranın Gül bağında gəzirəm.Mən behiştin qucağında gəzirəm.