Vətən, sənin sal qayana,Boz daşına qurban olum.Hamar yolların bir yana,Yoxuşuna qurban olum.

Dağ başını alanda çən,Bulud-bulud yağıb keçən,Ətək-ətək dolu tökənYağışına qurban olum.

Ayrılıq dağ çəkdi mənə,Vətən, deyib dözdüm yenə.Sənin ana şəfqətinə,Qarğışına qurban olum.

Səhərinə, axşamına,Dadlı, şirin kəlamına,Tükənməyən ilhamına,Alqışına qurban olum.

Həsrətiyəm güllərinin,Aylarının, illərinin,Şırıl-şırıl sellərininAxışına qurban olum.

Hey coşaram ləpə-ləpə,Nağıllaşar dərə-təpə,Bu könlümə şeir, nəğmə --Baxışına qurban olum.

Biz sonu yox ayıq, ilik,Biz doğmayıq, yad deyilik,Taleyin bu, əbədilikNaxışına qurban olum.

Vətən, sənin sal qayana,Boz daşına qurban olum.Hamar yolların bir yana,Yoxuşuna qurban olum,Qurban olum.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О природе