Qəzəbi şimşəklərdən,Atəşi ürəklərdən,Ətrini çiçəklərdənAlıbdır şerim mənim.

Dözümü qayalardan,Coşmağı dəryalardan,Şəfqəti analardanAlıbdır şerim mənim.

Əzəməti dağlardan,Bərəkəti bağlardan,Ahəngi bulaqlardanAlıbdır şerim mənim.

Kövrəkliyi buluddan,Lal durmağı sükutdan,Odu bu doğma yurddanAlıbdır şerim mənim.

Saflığı pənbə qardan,Təravəti bahardan,Gücü doğma diyardanAlıbdır şerim mənim.

İlk nəğməni anamdan,Həvəsi söz dünyamdan,Ümidini inamdanAlıbdır şerim mənim.

Söhbəti babalardan,Hikməti babalardan,Şərbəti babalardanAlıbdır şerim mənim.

Sadəliyi nənəmdən,Nağıl dolu aləmdən,İlk yuvanı sinəmdənAlıbdır şerim mənim.

Ömrünü aydan, ildən,İlhamı doğma dildən,Xeyir-duanı eldənAlıbdır şerim mənim.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов