Baharın nəfəsi üzümə dəydi,Sirrini öyrənsəm nə idi dərdim.Hardan gəldiğini bilə bilsəydimGedib bu dünyaya bir də gələrdim.

İçimdə qışlayan dərd bəxtəvərdi…Məndən bəxtəvərlik umur çoxları.Qönçələr bahardan gələn xəbərdi,Döyər pəncərəmi tumurcuqları.

Damla damarları sökülər qarın,Ərinə-ərinə qış çıxıb gedər.Budağı qapımı döyən çinarınDibindən bir həzin su axıb gedər.

Görüncə açılan gül dodaqları,Sənin də gəncliyin girər yuxuna..Sabahlar ilahi gözüylə TanrıBaxar heyran-heyran yaratdığına.

Nə gözəl olurmuş yenidən doğuş!Çəkilər içimdən dərd birdən-birə.Ətcə balasına dən daşıyan quşMənə dimdiyində ümid gətirər.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О природе