Təalallah zəhi sani', zəhi təqdiri-yəzdani,Huvəllahulləzi la-misləhu, la-xaliqü-ş-şani

Salat ilə səlami-binihayə fəxri-kövneynə,Dəxi alinə, həm əshabinə bi-həddü payani

Bəhari-dilküşa, feyzi-ədə cənnati-ədn olmuş,Əcəb rövnəq-nümadır sünbül-ü nəsrin ü reyhani

Səfasi gülşənin mir'atı-dildə gərdi-qəm qoymaz,Xəzan pejmürdə etməz mütləqa övraqi-bustani

Gətir saqi bu bəzmi-işrətə "zərrin səmavari",Fələk rindanə göstərdi bizə məşrəbcə dövrani

Qurulsun məclisi-irfan, düzülsün səf-bəsəf yaran,Səmavər eşqinə oğlan, tez ol pür ilə qəlyani

Səmavər sovti dilküşdür ki ansız dil müşəvvəşdir,Gəlib əyləşsə məclisdə edər xoş təb' mehmani

Müşəbbək təxt içində əyləşib şahənşəhi "Çaynik","Qaşıq, süzgəc, büllurin istəkanlar" bəndəfərmani

Xətadır bəndə fərman olmamaq belə ülül-əmrə,Gələr baci xətadən zəbt idüb İran ü Turani

Fəlatun rütbə və Bəqrat daniş, Calinus hikmət,Xəlaqi yox, əgər var isə, Çaydır mövt dərmanı

Ərəstu kəndi təqsiçün xəyanət görməsə caiz,Niçün çaydan keçib İskəndər istər abi-heyvani

Verər ruha məsərrət, qəlbə qüvvət, əqlə keyfiyyət,Dimağı çağ edər, əhvalı xoş, rahət edər cani

Görənlər rəng-ruyin Pudnos içrə istəkanlarda,Sanar badi-səba nəşr eyləmiş bir vərdi-xəndani

Məzaqın təlx isə şirin daniş qaynat səmavarı,Şəkər az, cövhər limoni al, yad ilə pistani

Bu dəmdə qan yutar vaiz baxub bu çayi-gülfama,İçər bil ki qəzəblə tapsa xun mey pərəstani

Zəmiri-ənvərin mir'atı-mehr-i-münəcca deyirlər,Ki kəşf eylər dərunu-dildə hər əsrari-pünhani

Halal olsun deyib rahi-tələbdə çəkdiyin zəhmət,Gətir Pudnusi tərtib ilə çağ et keyfi yarani

Səpehr Pudnus içrə aftab istəkan dərsan,Tülu' etdikdə əncüm kimi pünhan etdi fincani

Könül dəryasinə şam ü səhər gər axsa çay seyli,Edər müstəğriq dəryanı, xəbər et bəhri-Ümmani

Edər bəhri-mühiti ba təlatüm olsa mövc-ənqiz,Şükuhi-qülzüm-i pürcoş tufanxiz "Çaydan"ı

Həman bir qətrəsilə ibri-ləzzətbar Çaydanın,Edər əzb Fəratə münqəlib təlxi-dəryani

Zülal ləvləsi tamavər əlnəhr caridir,Xuda sər çeşmeyi-fəzli-əmim etmiş o bəhrani

Mühiti-ləzzətin hər qətrəsi bir bəhri-raiqdir,Əcəbi dər Muxtar olsa hər qətrə şayani

Səmavər zəmzəmə etməkdə mütrib nəğmə pərdaz ol,İraq, üşşaq, Şəhnazi...

Güruhi-əhli-aləm mahəsəli-məftuni-çay olmuş,Aralıqlar açılmaz taki çay qənd ola ərzani

Qənilər başlamış bu Kə'bəi-məqsudə yüz tutmaq,Tutar damanını müflislərin xarmuğilani

Qida-yi ruh edərdim, dəstimə keçsəydi bir qətrə,Budur xofüm, məni qərq eyləyə bu çayi-tuğyani

Zərurət ol qədərdir kim qəzaya razıyım indi,Gətirmərəm əql ü fikrə qeyrəti-əmsal ü əqrani

Nə çarə, belə oldu hökmi-imzayi-qəza naki,Gərəkdir qismətə razi olaq, ey Kəşfi Vardani

Çay içmək müşkül, əma içməsəm sevda hücum eylər,Nə tədbir, ey müsəlmanlar, nə dəf eylər bu sevdani

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов