Lalə Rasim qızına
“Nabat xalanın çörəyi” əsərinin oxucusuna
Nəriman əmiyə qılınc al, ata,yubiley gününə hədiyyən olsun.Gileyli bir ömür qoyub arxada,ata, qoy bu dəfə o deyən olsun.
Kimsəsiz bir uşaq, on üç yaşında,anası Allahdan ömür istəyib.Harda dəmir görüb, o yığıb, ata,ondan dəmirçilər dəmir istəyib.
Qızdırıb yolları buz ayaq izi,özü rəvadırmı üşüsün, ata.
İstəyib, poladdan qılınc düzəltsin,Məlikməmməd kimi döyüşsün, ata.
Kəsir qabağını əjdaha, quldur,gör kimi kim sıxır, kim güdür, ata.Niyə istedadlı arxasız olur,niyə istedadsız güclüdür, ata?
Əlində sehrli, sirli qələm var,ürəyi tər-təmiz, güzgüdür, ata.Niyə gözlərində əbədi qəm var,o ki şairlərin gözüdür, ata.
Hünər yox, dünyada deyir baxt olub,dünya təlxəklərə xidmət eləyir.Bəlkə buna görə o infarkt olub,bəlkə buna görə xiffət eləyir?
De ki, “Nabat xala...” şirin nəğmədi,mənim yerimə də qarşıla, ata.Poyluda – balaca MəlikməmmədiBakıda – qılıncla alqışla, ata,mənim yerimə də qarşıla, ata.
25.04.2001
Kitabxana.az · https://kitabxana.az/ru/works/neriman-hesenzade-lale-rasim-qizina
Клавиши ← → для перехода, R — случайное стихотворение
Другие произведения автора
Стихи других поэтов
Gecə-gündüz istəyirəm mən səni,Hamı dünyanın malınca gəlin.
Qəzəl: Qönçə tək eldən kişi sirrin nihan etmək gərəkQönçə tək eldən kişi sirrin nihan etmək gərək,Aşiqi-yekrəng olan bağrını qan etmək gərək
Ey bala, ey quzu, ey şux məmə, qurban gözünəEy bala, ey quzu, ey şux məmə, qurban gözünə,Olürəm, bir belə qoyma nəmə, qurban gözünə.
HəsəninYarə deyin bizdən qarğış almasın,Yerdə qalmaz ah-zarı Həsənin,