Bilmirəm
Müxtəlif olmuşdur insan məramı,Müxtəlif diləklər, arzular kimi.Ərimiş çoxunun eşqi, həvəsi,Güneydə əriyən təzə qar kimi.
Giley-güzar etmək adət olmuşdu,Göz qoyan olsaydı şəhərə, kəndə.Hər kəsin, görürdün şikayəti var,Varlı da deyinir, yoxsul düşən də.
Adam var öyünür: “Hər şey aydındır”.“Mən ərənəm” deyir, “mən ərəm” deyir.Elə adam da var ehtiyatlıdır,Bildiklərinə də “bilmirəm” deyir.
Adam var, əlyaxa olub həyatda,Ağır məişətlə, qəmlə, ələmlə.İfadə etməyə çalışıb müdam,Bildiklərini də o “bilmirəm”lə.
Kəndli
Dünyanın işləri oyundur, oyunAğanındır naxır, sürü, mal, qoyun.Yer donub, xış qırıq, ulaq təkboyun,Bir parça yerim var, əkə bilmirəm.
Usta Qurban
İndi günlər gödək, gecələr uzun,Zirzəmi qaranlıq... nə çörək, nə un...Kaşanələr qurdum cənablar üçünÖzümə bir daxma tikə bilmirəm.
Çoban
Sərkar kəsdi on-on, o satdı yüz-yüz,Ancaq elə etdi hesab çıxdı düz.İndi lazımdırmı qumral sürüsüz,Anıq qoç, boz erkək, təkə bilmirəm?
Arabaçı
Nə qoruqçu bilir heyvan, nə qorxu,Görüb yoncalığı, görüb qoruğu,Öküz sağa çəkir boyunduruğu,Niyə sola çəkir cöngə bilmirəm?
Hambal
Yük daşımaq olub hər zaman peşəm,Neçə yoxuş çıxıb, eniş enmişəm,Belim adət edib, çox yüklənmişəm,Mən yükü arxamdan tökə bilmirəm.
Alverçi
Gərək şirin olsun tacirin dili,Gəzsin qarış-qarış obanı, eli.Qırıq tərəzimin əyilib mili,Yüngülü mən ağır çəkə bilmirəm.
Molla Fərəc
Heç kimə demədin molla deyinir,“Allah özü bilir, peyğəmbər bilir”:Halal xümsü-zəkat, qurbanlıq gəlir,Nədir bircə haram tikə bilmirəm.
Qayınana
Bir acı dillinin, zəhər sözlünün,Qarğa qanadlının, bayquş gözlünün,Yırtılmaz üzünə bu dəf üzlünün,Yenidən bir dəri çəkə bilmirəm.
Dərd elə deyil ki, yığasan yükə,Baxırsan bəxtəvər camışdan yekə,Bu gəlin məni lap gətirdi təngə,Dərdimi açanda bükə bilmirəm.
Kəndin ağsaqqalı
Biz abad eylədik aranı, dağı,Min yerdə qaladıq şənlik ocağı,Nəyə gərək çıxım ixtiyar çağıDavaya, dalaşa, cəngə bilmirəm.
Şair
Güclülər vəlvələ salır aləmə,Qanlı faciələr gölməz qələmə,Ey dünya, dərdini mənə yükləmə,Mən heç öz dərdimi çəkə bilmirəm.
Kitabxana.az · https://kitabxana.az/ru/works/osman-sarivelli-bilmirem
Клавиши ← → для перехода, R — случайное стихотворение
Другие произведения автора
Стихи других поэтов
{| class="wikitable" style="font-size:1.0em; text-align: left;" width="80%"|-bgcolor="#D8BFD8"
Düşüb millət arasınaBu ədavət nədir, balam,Düşüb millət arasına?
Gəraylı: Ey saqi, dolana-dolanaEy saqi, dolana-dolana,Dolduruver müştaq olana,
Üç gözəlPirsahat çaydan keçdim,Çay üstə üç gözəl gördüm,