Yaralı qalıb
Qurmuşuq dövləti, amma qanımız qaralı qalıb,Hələlik ölkə demokratiyadan aralı qalıb.
Hələlik daimidirsə, yaşa daim, hələlik,Hələlik yox, bu ömürlük deyəsən buralı qalıb.
Kralın gəlini maraldır, vəkilin qudası Kral,Bu işə mat-məəttəl Perunun Kralı qalıb.
Ehtiyac üstələdi namusu, namus getdi,Kazinolarda Azərbaycanın maralı qalıb.
Tökülüb Türkiyə, İran, Dubaya millətimiz,Kimə xoş harada keçibsə o adam oralı qalıb
Günə bir parça çörəkçün, eşit, ey milli vəkil,Neçə qaçqın qızımız, əcnəbidən balalı qalıb.
Ürəyin ağrısa, Pünhan, demə bəd rüzgarə,Öz əməllərimizdəndir ki, ürək yaralı qalıb.
15 avqust 1996. Bakı
Kitabxana.az · https://kitabxana.az/ru/works/punhan-yarali-qalib
Клавиши ← → для перехода, R — случайное стихотворение
Другие произведения автора
Alışıb yandı Bakı, odlu olan yurdda Baba,Maaş al gir bazara, çıx özünü odda Baba.
Zəhr dilindən bal aparSözümü salma yerə, çıxdı dilimdən al apar,Bulud ol, yağdır onu, çör-çöpü üzdən lal apar.
Eşşək yerinəNeçə ildir başıma turp əkilir, lək yerinə,Dəyişib indi zamar, turpu çıxart ək yerinə,
Yoxsul üz üstündə gedirEl acından qırılır, dava miz üstündə gedir,Hərə, bir yana çəkir, yoxsul üz üstündə gedir.