Ağsan - ağ kimi görün,Qarasan - qara kimi,Sağsan - sağ kimi görün,Yarasan - yara kimi.

Ya “yox” söylə, ya da “hə”,Nəm-nümlə mızıldama.Gülüb, ya hönkürsənə!Elə hey sızıldama!

Acizsən, rəhm eyləyək,Gəlib yanaq halına.Zalimsən, qəhr eyləyək,Boyanasan alına.

Pələngsənsə nə’rə çək,Titrəyək yarpaq kimi.Pişiksənsə, əylənəkSəninlə uşaq kimi.

alovsan, yandır görüm,hisə vermə əlimi.Şaxtasan dondur görüm,qırovlama telimi.

Nə iynən var, nə ətrin,Nə gülsən, nə tikansan.Nə halən var, nə bədrin,Bomboz alatoransan.

Xəmir oldun, daş olma!Yoğrulub yapılmazsan.Daş oldun - yoldaş olma!Cərgədə tapılmazsan.

Qara da var, ağ da var,Yerində xoşdur hərə.Ancaq ki, ay adamlar,Dözmürəm dürənglərə.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов