Parovoz
Gözləri zülmətin bağrını yarır,Burnundan-başından çıxır tüstüsü.Qara kəl qatarı dartıb aparır,Çınqıllı daşları qarsır istisi.
Par-par, qıpqırmızı çarxları iri,Dirsəkli qolları- fəhlə qolları...Döyür calaqlarda polad relsləri,Yığıb-yığışdırır şərid yolları.
Göz qabağındadır hər dəm-dəskahı.Ocağı aşikar, odu aşikar.Hiddəti, hikkəsi, naləsi, ahıEnişin-yoxuşun yadında qalar.
Parovoz həmişə qan-tər içindəÜrəyi alovlu, qazanı qaynar...Tunellər, meşələr, çöllər içindəFınxırar, kişnəyər, at kimi oynar.
Nəhəng adamlara bənzər parovoz,Nəhəngin açıqdı sözü, söhbəti.Aləmi gur-gurla gəzər parovoz,Tənha keçiddən də keçməz xəlvəti.
Həzin, həyəcanlı, qırıq-qırıq fitBitib-tükənməyən hekayətidir.Qatardan açılıb qalanda sakitSükut ən yanıqlı şikayətidir.
Qatarsız parovoz - kibrit qutusu,Alıb hara gəldi atar küləklər.Qatar qabağında sərkərdədir o,Qoşunlu-ləşkərli, məğrur, müzəffər.
Açıqdır hər yanı, yoxdu pünhanı,Örtülü bazara sığmır parovoz.Qaranı-quranı, xıltı-filanıPüskürür... içinə yığmır parovoz.
Kitabxana.az · https://kitabxana.az/ru/works/qabil-parovoz
Клавиши ← → для перехода, R — случайное стихотворение
Другие произведения автора
Стихи других поэтов
Dün urub vaşilə bən xəstədili şad etdün,Yaxşı bardun ki, bozuq könlümü abad etdün.
Yox, deməyin dolu vurduGöylər tutqun, göylər qara,Mən baxıram buludlara.
Ay qurdGetdin gördün quzu,Neyləyirsən istiotu, duzu?
MişdiEy verən mollalara nisbət yalan Mişdi,Qənim olsun canına ayeyi-Quran, Mişdi