Xəstəlik
Xəstəlik adamı uşaq eyləyir,Xəstəlik adamı şıltaq eyləyir.Sözdən söz çıxarıb şübhəyə düşən,Yelçəkən eləyir, ufaq eləyir.
Aləm qulluğunda dayansın gərək,Gecəli-gündüzlü nazını çəksin;Çovğunlu qış günü şehli çiyələk...Könlün nə istəsə gətirib töksün.
Xəstəlik ürəyi kövrək eləyər,Titrək yarpaq kimi titrək eləyər;Yadına düşməyən gərəksizi dəAxtarıb özünə gərək eləyər.
Xəstəlik telefon həsrətindədir,Neçin çalınmayır qapının zəngi?..Xəstəlik dost-tanış xiffətindədir,Dost-tanış görəndə durulur rəngi.
Xəstəlik adamı əldən salsa da,Qayğılar xəstəyə qınaq olmayır.Sağlamlıq ən gözəl ne’mət olsa da,Bərk-boşa çevrilib sınaq olmayır.
Həkim ətəyində xəstənin əli;Dava da, dərman da demə nahaqdır.Ancaq həkim dili xoş söz deyəliXəstənin gülləri açılacaqdır.
Xəstəlik sınağa çəkir adamı,Ruhdan düşən də var, düşməyən də var;Əridib qəlibə tökür adamı,-Qəlibdə bişən də, bişməyən də var.
Nə qədər yamanlıq, fənalıq ki, varYaddaş lövhəsindən silir xəstəlik;Ağlayır ağlamaq bilməz adamlar,-Başını bulayır güllü xəstəlik.
Xəstəlik bəladır - canından uzaq,Ağırı-yüngülü andıra qalsın;Həm sağlam, həm də ki, təmiz yaşamaq
Qoy elə hamının qisməti olsun.
Qara tikan batsın yaman gözlərə,Yaxşı adamlara göz dəyməsin qoy.Ömür möhlətiylə yol gedir hərə,-Ayağımız daşa tez dəyməsin qoy.
Allah yüngül etsin yorğanımızı,Üzərrik gözündən keçirsin bizi:Elə naziltsin ki, vicdanımızı-İynənin gözündən keçirsin bizi...
25 fevral 2000
Kitabxana.az · https://kitabxana.az/ru/works/qabil-xestelik
Клавиши ← → для перехода, R — случайное стихотворение
Другие произведения автора
Стихи других поэтов
چه جای غم که شادی هم نگنجد
SevdiyimBurada könlüm asayiş tutmazİstər ki yanına vara sevdiyim
EyləməsinFələk heç kimsəni, yarəb, nigəran eyləməsin,Heç kimi mayili-bir sərvi-rəvan eyləməsin,
Ey gül, səni bilməm necə ustad çəkibdirEy gül, səni bilməm necə ustad çəkibdir,Nəqqaş-i əzəl sünin edib yad çəkibdir.