Mən səni sevmirdim
Mən səni sevmirdim...Amma gecəydi,Bir bomboş vağzaldı, bir də biziydik.Yuxulu gözlərin gözümə dəydi,Yuxulu gözlərin tərtəmiziydi.
Yuxulu gözlərin yuxu görürdü,Sən özün ən şirin yuxuydun ancaq.Yuxulu gözlərin yuxu görürdü,Mən sənin yuxunda yoxuydum ancaq.
Mən gələn qatarın hayında idim,Bir sərin gecəydi, bir ılıq nəfəs.Bir də ki, mən sənin yanında idim,Yaxında olanlar yuxuya girməz.
Sonra qatar gəldi, yuxun dağıldı,İstədim söz deyəm, karıxdım yenə.Qatar gecikirdi, mən darıxırdım,Sən mindin qatara, darıxdım yenə.
O gedən qatarın dalınca baxdım,Dedim, bu gecəni çətin dözərəm.
Bir az da keçsəydi, ağlayacaqdım,Yaxşı ki, gülməyim tutdu özümə.
Sonra da, yol boyu uzandı kölgəm,Sonra da, tək-tənha qayıtdım evə.O qatar, o gecə, o dünya bəlkəTək bundan ötrüydü; MƏN SƏNİ SEVƏM...
Kitabxana.az · https://kitabxana.az/ru/works/ramiz-rovsen-men-seni-sevmirdim
Клавиши ← → для перехода, R — случайное стихотворение
Другие произведения автора
Стихи других поэтов
Xəbər olsun yar-dosta,Bu fanidən köçdü Qubad.
Cığalı MüsəlləsDad əlindən sənin yaman həmsayəHaqq rəhmət eyləsin bədirnsayə
Təcnis: Çığrışıb çığrışıb ötən sonalarÇığrışıb çığrışıb ötən sonalarYaşım nədən oldu yarada bilmən
Qəzəl: Şanənin qəsdi nədir çəkməz əlin birçəkdənŞanənin qəsdi nədir çəkməz əlin birçəkdən,Mən kimi aşiq olub zülfə məgər görcəkdən