Öz dilində oxudum Sədini də, Qövsini də,Oxudum zövq ilə Xəyyamı da, Firdovsini də,

Oxudum Hafizi də, hər birinin öz yeri var,Fars dilində oxudum “Xəmsə”ni təkrar-təkrar

Anladım, dahi Nizami kimi ustad yoxdur,Yer üzündə bu ada üstün olan ad yoxdur!

Qavradım, dahi Nizami bizə candan məhrəm,Söylədim hər əsərindən açılır bir aləm.

Çırpınan ud kimi bir türkü qoşur, titrəyir o“Türkəm, ancaq bu həbəşlər məni qanmır” deyir o.

O, bizimdir, biz onun, yadlar onu yad bildi,Necə yaddır ki, Füzuli onu ustad bildi?!

Onu candan yaşadan öz obası, öz elidir,Gəncəvi söyləməyək, Gəncəlidir, Gəncəlidir!

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О родине