Mən bu yurdun boz sərçəsi olmuşam,Lap cənnətdən vədə gələ, köçmərəm!Bəxtimizə ya dünyanın ağası.Ya ağılsız gədə gələ, köçmərəm!

Palçığıynan, çamırıynan yaşaram,Bir kündəlik xamırıynan yaşaram,Ağacdakı mamırıynan yaşaram,Ölüm mənə hədə gələ, köçmərəm!

Nə olsun ki, hər yer burdan abadan,Hamı qaçır savaş adlı vəbadan,Başımıza turp əkən bu BabadanSonra da bir dədə gəlsə, köçmərəm!

Biz beləyik... dərdimiz min, çəkən bir,Oğru saysız yeyən yüzdür, əkən bir...Bir başım var, bu mədəni çəkəmmir,Baş yerinə mədə gəlsə, köçmərəm!

Diri ruhum didərginlər yanında.İlham pərim çöllərdə, çit donunda,Bu çilçıraq şəhərlərin sonundaZülmətxana Bərdə gəlsə, köçmərəm!

Gedib gördük Nyu-Yorku, Parisi,Qucaq açdı qürbətin yüz pərisi,Çox da şair gözəlliyin hərisi,Yaşananlar bir də gəlsə, köçmərəm!

Bahar gülsün tikan tutmuş gülümlə,Bəxtəvərəm gözü yaşlı elimlə,Gecə-gündüz döyülsəm öz əlimlə,Gözlərimə pərdə gəlsə, köçmərəm!

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов