Страница 1 из 3

Birinci şəkil

Hələ tikilməkdə olan evin birinci mərtəbəsi. Burada müvəqqəti olaraq tikinti idarəsi yerləşmişdir. Böyük səliqəsizlik hiss olunur. Zərifə əlində teleqram qaçaraq gəlir.

Zərifə

Yoldaş Camal! Yoldaş Camal!

Mindilli tələsik səhnəyə çıxır.

Mindilli

Nə var, Zərifə, dayan, iki kəlmə sözüm var.

Zərifə

Başım qarışıqdır, görmürsən ki, adam axtarıram?

Mindilli

Dayan, ay qız, icazə ver, o şirmayı barmaqlara bu titrək dodaqlarımı toxundurum.

Zərifə

Vaxtım yoxdur, yoldaş Camala teleqram var, deyəsən nişanlısı gəlir.

Mindilli (teleqramı onun əlindən alıb oxuyur)

Bəli, deməli, Bənövşə xanım gəlir?

Zərifə

Nə var? Nə ibarə ilə deyirsən: “Bənövşə xanım gəlir”.

Mindilli

Başqa bir qadının adını çəkəndə dünya qopar?

Zərifə

Başındakı olan-qalan tükü də mən didib tökərəm ha, az danış.

Mindilli

Bu sözdən sonra lap başımı kəsib bir tərəfə qoysan da etiraz eləmərəm. Qısqanclıq sevginin ən birinci əlamətidir.

Zərifə

Bəs səndə niyə o əlamətdən yoxdur?

Mindilli

Necə yoxdur? Bütün günü kölgə kimi dalınca gəzirəm. (Qasım içəri girir. Mindilli onu görüb sözü dəyişir) Odur, yoldaş Camal oradadır, həyətdədir. Teleqramı tez çatdır.

Zərifə (qapının yanında pıçıltı ilə)

Sonra görüşərik, sənə sözüm var.

Çıxır.

Qasım

Buxalterin qızını əlində möhkəm saxlayırsan.

Mindilli

Yaxınlarda toyumuzdur. Ancaq bu yoxlama məsələsi qanımı qaraltdı, heç yerdir?

Qasım

Hə, bir az dilxorçuluqdur.

Mindilli

Nə oldu, axır ki, üzülüşüb getdi?

Qasım

Təftişini elədi, aktını bağladı. Getməyib neyləyəcək ki?

Mindilli

O balacaboy göygöz mənə çəpəki baxıb nə soruşurdu?

Qasım

Səninlə maraqlanırdı.

Mindilli

Mənimlə?

Qasım

Hə, elə başa düşmüşdü ki, sənin iki familiyan var, mən dedim onun əsl familiyası Mindilovdur. Qəhrəman Mindilov. Burada zarafatla Mindilli deyirlər.

Mindilli

Min kərə demişəm ki, zarafat kapitalizm qalığıdır, ondan əl çəkin, başa düşmürlər ki... Sonra nə deyirdi?

Qasım

Bir də deyirdi ki, sənin üstündə çoxlu borc var.

Mindilli

Hə, o barədə mənimlə də danışdı. Rəng yaxmaq istəyirdi, dirədim divara, dedim dayan, kontrolyorsan, ya rəngsaz?

Qasım

Höcət olma, borcun var, qaytar.

Mindilli

Borc hanı? Dağ boyda sçot tökmüşəm buxalterin qabağına... Qəbul eləsin də, niyə yubadır? Qoy bir toyu eləyim. Onda danışacağam. O məni incidir, mən də qızını incidərəm.

Qasım

O qədər də yüngül yanaşma.

Mindilli

Yüngül niyə? Lap Camal yoldaşın özü ilə danışmaq istəyirəm.

Qasım

Danış. Camal qızıl kimi oğlandır.

Mindilli

Başı açılır ki? İndi daha heç vaxtı olmayacaq. Nişanlısı gəlir.

Qasım

Nişanlısı gəlir?

Mindilli

Gəlir də... İşin belə vaxtında yaxşı olmadı, başı qarışacaq eşqə, məhəbbətə, dost-aşnanı yaddan çıxardacaq.

Qasım

Qorxma, Camal məhəbbət dəryasıdır, sevgisi hamımıza çatar.

Zərifə içəri girir.

Zərifə (Mindilliyə)

Tez ol, səni çağırır.

Mindilli (həyəcanla)

Məni çağırır? Bu saat...

Mindilli çıxır. Qasım da onun arxasınca çıxanda Zərifə baxıb gülümsünür.

Zərifə (Qasımın dalınca baxır)

Ala ey, bu da özünü kişilər cərgəsinə qoyur.

Mirzə Salman öz-özünə danışa-danışa içəri girir.

Mirzə Salman

Yatırlar, yatırlar, sonra başlayırlar çığır-bağır salmağa. Axırda çanaq mənim başımda sınır. Zərifə, buradasan?

Zərifə

Nə var, nə olub, ata?

Mirzə Salman

Nə olacaq, kvartalın əvvəlində yatırlar, axırında ayılıb başlayırlar çığır-bağır salmağa, buna ürək davam eləyər? Sən haradasan? Sərçə kimi bir dəqiqə bir yerdə qərar tutmursan. Səhərdən dərmanımı içməmişəm. Gətir görək.

Zərifə

Bu harayda dərmanı neyləyirsən, ay ata?

Mirzə Salman

Dərmanı harayda içməyib, bəs nə vaxt içərlər?

Zərifə

Hansından verim? Damcı dərmanı, ya qaşıq?

Mirzə Salman

Qaşıq dərmanından ver. Damcı-damcı içməkdən ürəyim üzülür. (İçir) Zəhrimar elə acıdır ki... Bəs həblər hanı?

Zərifə

Orada, stolumun gözündədir. Təzə xəbəri eşitmisən, ata?

Mirzə Salman

Nə xəbər? Yəqin yenə deyəcəksən ki, hansı yoldaşınsa özünə təzə paltar tikdirib.

Zərifə

Yox. Camalın nişanlısından teleqram var, bu gün gəlir, onu deyirəm.

Mirzə Salman

Hə, o qızı mən tanıyıram. Usta Qurbanın qızıdır. Çox ağıllı, bacarıqlı qızdır. Bəlkə bunun əl-ayağını o yığa. Plan dolmur, iş yerimir, pul xərclənmir...

Zərifə

Pul xərclənmir, daha yaxşı. Başın dinc olar.

Mirzə Salman

Yox, qızım, sənin maliyyə işlərində heç bir sərriştən yoxdur. Smeta gərək bank vasitəsilə yerinə yetsin. Amma bizim idarədə tərsinədir. Təchizat şöbəsinin üstündə nə qədər borc var.

Zərifə

Mindilovun?

Mirzə Salman

Mənim yanımda onun adını çəkmə. Adını eşidəndə ürəyim sancır.

Zərifə

Ata, istəyirsən gedim həbləri gətirim?

Mirzə Salman

Yox, həblərdənsə, Camalı tapmaqda mənə kömək elə. Yoxsa bank bağlanar, bu gün də üçüncü obyektin işi qalar.

Çıxırlar. Camal gəlir. Mindilli onu kölgə kimi təqib edir. Camalın əlində teleqram var.

Camal (teleqramı bir də oxuyur)

Deməli saat 3-də, 5-ci vaqon. (Gülümsünür, teleqramı öpür) Qız bu saat yol gəlir. (Mindilliyə) Taxtaları daşıtdırdın?

Mindilli

Bircə vaqonumuz qalıb.

Camal

Sənə bir töhmət də verərdim, heyf ki, başım qarışıqdır. Mən indi qızın qabağına necə gedim? O saat stansiya naçalniki yapışacaq boğazımdan. Bir aydır vaqonları boşaltmırıq.

Mindilli

Bu səhvimi iki, ya üç günə düzəldərəm. Bu gün sizin üçün yaxşı mebel sifariş elədim.

Camal

Dayan görək, mebel vaxtı deyil. Bu Yusif hanı? (Telefonun dəstəyini götürür) Kommutator, tez Yusifi tapıb göndər. Ay qız səninlə deyiləm? Pah atonnan. Keydir ki... Yusifi deyirəm ey, tez tap mənim yanıma çağır.

O biri telefon zəng vurur, Mindilli götürür.

Mindilli

Bəli, bu saat... (Camala) Telefona çağırırlar, yoldaş Camal!

Camal (dəstəyi alır)

Kimdir? Hə, özüdür ki, var. Camal sağ-salamat hüzurunda kəmərbəstə. Sən öl, gələ bilməyəcəyəm, yox-yox Mindilli də, Qasım da gələ bilməz, kvartalın axırıdır, plan doldururuq. Gəl gör nə həngamə çıxartmışam. Üç gündür kabinetdə yatıram. Bir yandan da bu gün nişanlım gəlir, hə, bəs, necə? Toyu bu günlərdə eləyirəm, daha məndə gözləməli ürək qalmayıb... Öpürəm bütün kampaniyanı. (Telefon dəstəyini asıb, teleqramı cibindən çıxardır) Bir saatdan sonra qatar gəlir, sən maşını saz saxla.

Mindilli

Maşın sazdır. Dəllək gözləyir.

Camal

Bu gün qəbul günüm deyil, sabah gəlsin.

Mindilli

Qulluq işi üçün gəlməyib, özünüz demişdiniz ki, çağırım.

Camal

Hə, dəlləyi deyirsən? Düzdür, ot qalxıb, biçdirmək lazımdır. (Əlini üzünə sürtür) Həyətyanı təsərrüfatım yaman haldadır, Mindilli!

Mindilli

Siz də mənə Mindilli deyirsiniz, yoldaş Camal?

Camal

Nə olar deyəndə? Adam dost zarafatından incimaz. (Saatına baxır) Hanı sənin dəlləyin?

Mindilli

Ülgücünü itiləyib hazır dayanıb.

Camal

Yəqin kostyumumu da gedib gətirməmisən.

Mindilli

Kostyum da, ayaqqabılar da hazırdır. Vaxtım olmur ki, sizə deyim.

Camal

Doğrudan da, vaxt yoxdur... (Pul çıxarır) Ala, onlarla özün hesablaş.

Yan otağa keçmək istədikdə Zərifə və Mirzə Salman içəri girirlər.

Zərifə

Burada imiş ki.

Mirzə Salman

Yoldaş Camal, bir ayaq saxla.

Camal

Mirzə, məni pis yerdə tutmusan, vağzala tələsirəm.

Mirzə Salman

Burada bir neçə kağız var, vağzaldan da vacibdir. Səni neçə gündür ki, tuta bilmirəm.

Zərifə çıxır.

Camal

Di tez ol, Mirzə! (Papiros çıxarır, Mindilli o saat kibrit yandırır) Mən bu kağızlara baxınca, sən də tez ol, danış görək, müfəttiş aktda nə yazdı, oxuya bilmədim, dedim sonra gətirsin.

Mirzə Salman

Bu saat deyim?

Camal

Mühümlərini.

Mindilli

Əlbəttə, əlbəttə.

Mirzə Salman (Mindilliyə)

Sən qarışmasan yaxşıdır. (Camala müraciətlə) Yazdı ki, plan müntəzəm olaraq aydan-aya doldurulmur. İş düzgün təşkil olunmayıb.

Camal

Bu heç... Sonra.

Mirzə Salman

Yazdı ki, texniki alətlərə çoxlu pul sərf edilib, ancaq istifadə olunmur.

Camal

Bu da heç... Sonra.

Mirzə Salman

Sonra yazdı ki... (Dayanır)

Camal

Nə oldu, yadından çıxdı?

Mirzə Salman

Yox... bu saat... (Mindilliyə işarə edir)

Camal

Hə, başa düşdüm. Mindilli, gör Yusif haradadır? Tap bura çağır.

Mindilli

Bu saat telefonla xəbər verim.

Camal

Get, özün çağır. Kütlə ilə canlı əlaqə yaratmaq lazımdır.

Mindilli

Canlı əlaqə? Bu dəqiqə yaradaram. (Çıxır)

Camal

Hə, de görək, Mirzə.

Mirzə Salman

Bir də ki, bunun, təchizat şöbəsinin haqq-hesabını xüsusi qeyd elədi. Sçotların çoxuna şübhə ilə baxır.

Camal

Səhv eləyir. Əsassız şübhədir. Mən olan yerdə heç kəs qorxusundan bir çöpə əl vurmaz. Bu da heç... Ayrı bir şey yoxdur ki?

Клавиши ← → для перехода, R — случайное стихотворение

Случайное стихотворение

Другие произведения автора

Altı qızın atası

Arvad xəstəxanaya gedəndə Pirəliyə sarı dönüb zırıltılı səslə dedi:– Uşaqlardan muğayat ol!

19577 мин
Yeni il hədiyyəsi

Neçə illərdir ki, biz yeni ili Şahingildə qarşılayırıq. Qəribə dəstəmiz var; məndən əlavə bir də bəstəkar, rəssam, alim, mühəndis və Şahinin özü. (Əlbəttə, arvadlarla bərabər) Biz hamımız orta məktəbi bir yerdə bitirmişik, hər yeni il gecəsində mütləq görüşürük.Şahin nazirlikdə işləyir, tanış-bilişi çoxdur. O gün olmur ki, evində qonağı olmasın. Onlar ər-arvad üzügülər, qonaqsevərdilər. Nazirdən başlamış xidmətçiyə, kuryerə qədər kim evlərinə gəlir-gəlsin, süfrələrinin lap başında əyləşdirəcəklər.

8 мин
Cənnət xuliqanı

Proloq*– Sevil gəlmədi.

196024 мин
Nadir şah

Ərəblinski öz otağında geyinir. O, ikinci pərdədə quldur Nadir idi. İndi, üçüncü pərdədə Nadir xan olacaq, axırda da Nadir şah. Bu, tamaşaçıların gözü qabağında dəyişən, inkişaf edən mürəkkəb bir roldur. Hüseynin ən çox müvəffəq olduğu və sevdiyi rollardan biri. Hər sözünü, hər hərəkətini sənətkarcasına işləyib. Ancaq indi böyük həyəcan içindədir. Gündüz Nadir şahın papağını zərgərə göndərib ki, qaş-daşla bəzəsin. Zərgər muzdunu almamış papağı qaytarmaq istəmir. Beş manat pul lazımdır. Hardan tapsın?Yalnız Hüseyn Ərəblinski deyil, bütün aktyorlar həyəcan keçirirlər. Bilirlər ki, kostyumu tam olmamış bu böyük aktyor səhnəyə çıxmağı sevmir, məcburən çıxsa rolu mükəmməl oynaya bilməyəcək. Tamaşa isə pulsuz olduğuna baxmayaraq çox mühüm tamaşadır. Salon ağzına kimi doludur. Tamaşaçıların çoxu ziyalıdır. Şəhərə qastrola gəlmiş rus aktyorları da Azərbaycan teatrı ilə tanış olmaq üçün yan lojalarda oturular. Bəs necə olsun? Zərgərə İki dəfə adam göndəriblər, nə qədər yalvar-yaxar eləyiblər, dünyada qızıldan başqa Allahı belə tanımayan bu adamı sındırmaq mümkün olmayıb. Beş manat pul lazımdır, yalnız beşcə manat!

19635 мин

Стихи других поэтов