Ol deyil aşiq, mənimtək eşqdə rüsva deyil,Ruzü şəb Məcnun olub sərgəşteyi-səhra deyil.

Zahidi-nadan nə bilsin qönçə ağzın sirrini,Sirri-həqqi bilməz ol kim, vaqifi-məna deyil.

Bəhs edər hər gün üzünlə gün, nə nisbət var sənə,Arizində nuri-həqq səntək onun peyda deyil.

Atəşi-ahim yetirmə göylərə, ey məh, saqın,Kim gəlir bir gün dəmi, təsir edər, bica deyil.

Eşq zövqün bilməyən kəs dövləti-dünya sevər,Ol ki, eşq istər həmişə, talibi-dünya deyil.

Payibənd etmiş məni zənciri-zülfə ol pəri,Mən kimi Məcnun əsiri, türreyi-Leyla deyil.

Vahidi bilmə vəfasız eşqdə, ey bivəfa,Olmayıbdır ol rəqibə aşina, ədna deyil.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви