Qıldın əsir türryei-tərrarə könlümü,Zəncirə bağladın bu günü qarə könlümü.

Qıldım xəta, cəmalına bir eylədim nəzər,Saldın kəməndi-zülfünə biçarə könlümü.

Atdın həmişə səngi-cəfa, şişə könlümə,Sındırdın, almadın ələ sədparə könlümü.

Sinəm bərabərində ölümdən ki qorxmuram,Eylə nişanə birbəbir oxlarə könlümü.

Zülfün salıb kəməndə məni, dəstgir edib,Mənsur tək gərəkdi çəkə darə könlümü.

Qanım tökəndə xəncərü tiri-nigah ilə,Bir də, dübarə yarələmə yarə könlümü.

Aşiqlər içrə eşq büsatında Vahidəm,Zülfün xəyalı eyləyib avarə könlümü.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви