Səməd Vurğun haqqındaxatirə kitablarını oxuyarkən

Əlli ildə əlli ömrü,Yaşamağı bir heyrətmiş.Əfsanəyə oxşasa da,Deyilənlər həqiqətmiş.Duyan bilər bu böyüklük,Nə hünərmiş, nə qeyrətmiş.Zaman-zaman nəsillərin,Ürəyinə işıq çilər,Sənə bağlı xatirələr!

Körpəliyin qəm üstündə,Köklənən bir telli sazdı.Cavanlığın havalanmış,Dəli Kürdü, xan Arazdı.Qocalığın, şeiriyyətinGözlərində gülən yazdı.“Nələr deyir bizə, nələr!”Sənə bağlı xatirələr!

Əsil oğlu sən olmusan,Ən müqəddəs duyğuların.Neçə tale çiçəklənib,Gül açanda qayğıların.Baxışların ocaq çatıb,Ortasında buzun, qarın.Başımızdan çiçək kimi,Hörmət səpər, xətir ələr,Sənə bağlı xatirələr!

Ağır yeriş, mətin addım,Dalğalı saç, qaynar baxış,Açılanda aydın səma,Tutulanda – leysan, yağış.Görənlərin yaddaşındaZərli yazı, qızıl naxış.Bu torpağın hər daşında,Səsə düşər, dilə gələr,Sənə bağlı xatirələr!

Arxan ilə gəzmədiyiNə dağ qaldı, nə də binə.Ölüm fürsət yoxsulutək,Səni gəzdi sinə-sinə.Ayrılığın dağlar çəkdiNəsillərin sinəsinə,Quzu kimi qaldı mələr,Sənə bağlı xatirələr!

Gur məclislər keçirələr,Bir-birindən qəşəng ola,Hər məclisin yaraşığı,Xatirədən çələng ola,Hər söhbətin dünyasında,Könül açan min rəng ola,Süfrəmizə dürlü-dürlüMin bir nemət gətirələr!Hamısından şirin olar,Sənə bağlı xatirələr!

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов