Dörd yanımda dövrə vuran gözəllər,Ağlımı itirib zayıl olmuşam.Məcnuni-məhəbbət, eşqi Leyliyəm,Düşüb səhralara sayıl olmuşam.

Mən görürəm siz hamınız şahsınız,Gözəllikdə tamam mehri mahsınız,Bilqeyis sifətli xoşzəbansınız,Kəklik sürbənizə mayıl olmuşam.

Mən Alıyam, öz Bəsdimin yarıyam,Görməzə-bilməzə intizarıyam,Hicran barkeşiyəm, dərd tüccarıyam,Qəm yükü çəkməyə qayıl olmuşam.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Hicran