Dərdim elə artdı, Kürü də keçdi,İndi hara gedim, ay anam mənim?!.Gözlərimin yaşı qanıma keçdi,İndi hara gedim, ay anam mənim?!.

Aşıq olub dildən-dilə düşmüşəm,Gəzə-gəzə eldən-elə düşmüşəm.Səhralar gəzmişəm, çölə düşmüşəm,İndi hara gedim, ay anam mənim?!.

Nə Həkəri qaldı, nə də Ərgünəş,Yandım eşq oduna, can oldu atəş.Bəstiyəm, olmuşam, bir yaralı quş,İndi hara gedim, ay anam mənim?!.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri