Ağlayır
Dağıldı ellərim, qaldım səhrada,Bir kimsənəm yoxdu, anam ağlayır.Titrəyir əllərim, görmür gözlərim,Dəyişir döranım, zaman ağlayır.
Ayrı düşdüm öz yurdumnan, elimnən,Qəm şələsi əl çəkməyir belimnən,Danışanda nalə qopur dilimnən,Könlümün səsinə kaman ağlayır.
Hələ qurumayıb gözümün yaşı,Tutur tənələrə hər yetən naşı,Ələnir üstümə dünyanın daşı,Dağların başında duman ağlayır.
Heydər, bu yerlərdə yerin bilindi,Mərənd qucaq açdı, qəlbin isindi.Fələyin cəbrinə dayan, döz indi!İndi biz yox, bütün cahan ağlayır!
Kitabxana.az · https://kitabxana.az/works/asiq-heyder-aglayir
← → düymələri ilə keçid, R — təsadüfi şeir
Müəllifin digər əsərləri
Necə dözüm, necə durub-dincəlim,Mən ah çəkim, gərək dərddən incəlim,
Üç yaşına çatıramTale küsüb, qismət qaçıb, bəxt yatıb,Kövrəlmişəm, üç yaşına çatıram.
VarŞanlı vətənimin hər qarışında,Hər daş altda bir igidim, ərim var.
VerdilərAtlaz yorğan, atlaz döşək yumuşaq,Boynuma almışam bir parça uşaq.