Ay aşıq, cənbərək meydanına gəl,Mərifət elmində sirri göstərim.Noxtalıyım, palan salım belinə,Sənə bəyəndiyin yeri göstərim.

Saqqalın bulaşıb quymağa - yağa,Xub yaraşır sənin kimi ulağa.Əgər yolun düşsə Güllübulağa,Maral yatağında nəri göstərim.

Tapdadın arada olan hörməti,Aşiq Heydər verdi sənə qiyməti.Bağlayım başına güllü heyratı,Öksüzü gəzdirim, piri göstərim.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri