Ay ağalar, gəlim sizə söyləyim,Mən istərəm bu meydanda nər indi.Sinəmin dəftərin izhar eyləyim,Arif olan ər gərəkdi, ər indi.

Sevdalı sərimdə eşqin havası,Yandırır cismimi onun nidası.Çalxanır könlümdə eşqin dəryası,Boylama ki, dərinlərdən dərindi.

Aşıq Musa dərsin alıb bir pirdən,Mətləbi zəbərcəd, kalamı dürdən.Gözləri cananı görəndə hərdən,Ağlı çaşır, tab eyləmir sər indi.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq