Gecələr - pənah yerim
Səhərlərim - boyasız, gündüzlərim - qorxusuzGecələrim - narahat, gecələrim - yuxusuz.Başbaşayıq sübhə tək mənimlə fikirlərim,Gecələrə açılır gizli-gizli sirlərim.
İndi mən qısılmışam gecələrin qoynunaBoylanıram içimdə gah əvvələ, gah sona.Gecələr - sığnaq yerim, gecələr - pənah yerim,Gecələr bir-birilə döyüşən fikirlərim.
İnanardı ağıl da öz içimin səsinəŞirin xəyallarımın yumşaq mütəkkəsinəBaş qoyardım bir zamanXəyalı gerçək kimi yaşayardım bir zaman.
İndi qurban verməyə hazıram bir yad kimiMin-min səhərlərimi, min-min gündüzlərimiBir anlıq sükutuma, bir yuxusuz gecəmə.Qəm sükuta dəm tutur, gecələr sükut qəmə.
Allahın bal yuxusu mənə haram gecələrSürünürəm gündüzlər, yaşayıram gecələr.Anam deyərdi: "Oğul, sən gecə doğulmusanBəlkə buna görə də gecəquşu olmusan".
Mən təpədən dırnağa indi səbrəm, dözüməm,Çoxluğumda başqası, təkliyimdə özüməm.Verdiyin tənhalığı geri götürmə, Allah,Gecəmlə həsb-halı mənə çox görmə, Allah.
Mənim mənə ən yaxın sirdaşımdır gecələr,İçimə damcılayan göz yaşımdır gecələr.Gecələr sığnaq yerim, gecələr pənah yerim,Səhərlər açılanda qapanır kirpiklərim.Öyrəndim gecələrdənQaranlıq içində mənUlduz-ulduz yanmağı,Özümə qapanmağı, içimə boylanmağı.
Gecələrin sahibi, gündüzlərin quluyam,Mən gündüzlər adiyəm, gecələrsə uluyam.Gecələr çiçəklənir söz gülşənim, söz bağımGecələrin şahıyam, yoxdur mənim ortağım.
Dekabr, 1999
Kitabxana.az · https://kitabxana.az/works/bextiyar-vahabzade-geceler-penah-yerim
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
İkaş eşqi ol bazicə sanmasaydım,Ta avarə-varə axır o odlara yanmasaydım
KönülAh-ü-zar çəkməkdən, qan ağlamaqdan,Dərdimi yetirdin səksənə könül,
Batıb kənd yolunda qəmə, kədərəBatıb kənd yolunda qəmə, kədərə,Bir ana qərq olub düşüncələrə.
Çarə kimdür ələmi biçarə olmuş könlümüÇarə kimdür ələmi biçarə olmuş könlümü,Qandadur bir cəm edən sədparə olmuş könlümü.