Qızıma
Fikrini vermə nə elmə, nə də ürfanə, qızım!Çoxdur elmin zərəri din ilə imanə, qızım!Oxuyub elmi, evin eyləmə viranə, qızım!Yoxdur elmin səməri qövmi-müsəlmanə, qızım!
Dərsü məktəb sözün, ol lal, gətirmə dilinə;Qələmi xarici məzhəb kimi alma əlinə.Vurma ləkə daha, Allahı sevərsən, elinə.Elm bir şeymi, verə mənfəət insanə, qızım?
Nə rəvadır salasan möhnətə qəmsiz başını,Edəsən xalqın arasında xəcil qardaşını;Get bişir evdə, bala, düşbərəni, bozbaşını,Verginən meylini xingalə, fisincanə, qızım!
Otur evdə, atanın eylə pinə çul-çuxasın;Ananın bitləginən sübhü məsa baş-yaxasın.Elm üçün insan atarmı atasın, həm anasın?Ağlını başına yığ, heç olma divanə, qızım!
Evdə ol, çıxmaginən sən, bala, bir dəm eşiyə;Et təmiz, yaxşı süpür, diqqət elə ev-eşiyə;Inəyə yem veribsən, qulluq elə it-pişiyə;Bəsləyib, sonra sula, yaxşı bax heyvanə, qızım!
Yaşın oldu on üç, ay qız, səni verrəm bir ərə,Bir müqəddəs kişiyə, pulluya, bir bəxtəvərə;Vermərəm boynu qıraxmallıya, ya injenerə,Razı olmam düşəsən zülm ilə zindanə, qızım!
Kitabxana.az · https://kitabxana.az/works/cabbarli-qizima
← → düymələri ilə keçid, R — təsadüfi şeir
Müəllifin digər əsərləri
Olmuşdur Iran,Qaynar bir qazan.
Məqsəd nədirİrzaxan, anlat, sükutundan nədir son məqsədin?Aç nəhayət kartını, göstər bizə “nəqş”in, “bəd”in.
Parisdən-Tehrana“Irzaxan”, sən məşədi, mən hacıyam,Sən elin qəmçisi, mən qırmacıyam.
Tehrandan-ParisəKaç yil oldu, mən sənin babində növbət bəklədim,Sən şərab içdin, a zalım, mənsə şərbət bəklədim.
Başqa şairlərin şeirləri · Hikmət və nəsihət
Bir kəs ki, qəm düçarı ola, ağlar, ağlamaz?Ənduhu qüssə yarı ola, ağlar, ağlamaz?
Cavanlara xitabMənim düşkün könlüm sizdən eləyirBu fərz olan təmənnanı, cavanlar.
"Vətən bağı" al-əlvandır"Vətən bağı" al-əlvandır,Yox içində xarı bülbül.
Hicran ağla dedi, vüsal gül dediDənizsahilində dayanmışam tək,Ani tənhalıqdan sıxıldı ürək.