Heç demə burayacan
Heç demə burayacan,Sən məni yaşadırdın...Sənsiz oldum yarıcan,Bir soyuq daşa döndüm...
Nə güc qaldı, nə nəfəs,Düz köksümdən vuruldum.Oldum bom-boş bir qəfəs,Ruhsuz bir bədən oldum...
Heç demə burayacan,Səninlə insan idim.Sən verdin mənə can,Sənin bir parçan idim...
Sən getdin sanki birdən,Özümdən aralandım...Ayrıldım məhbərindən,Dağıldım, paralandım...
Heç demə burayacan,Sən mənə dayaq idin...Səninlə sevgi dünyam,Bütöv idi, sağ idi...
Qanını qat qanıma,Nə dərd bildim, nə sitəm...Qaytar yarı canımı,Ki, dirilsin təzədən...
Kitabxana.az · https://kitabxana.az/works/cabir-novruz-hec-deme-burayacan
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Ala gözlü nazlı yardanMən dönərəm, könül dönməz,
Sultan Əbdülməcidə xitabənEy padşahım bir dur,Dərvişi fərəhnak et,
BilməyəOl deyil şair ki, şeirin ehtiramın bilməyə,Dəvayi-şeir eyləyə, amma məqamın bilməyə.
Baş götürüb gedim hansı diyaraNecə rəva gördün, ey mələkzada,Döndün aşinadan, dil verdin yada.