Nisbət sənə’ ey şux, Züleyxa ola bilməz,Bu işvədə, bu qəmzədə Leyla ola bilməz.

Ahuyi-Xütən səndən alıb tərzi-nigahı,Gülbərgi-ləbin tək güli-həmra ola bilməz.

Etmən gözünü nərgisi-şəhlayə bərabər,Zülfi-siyəhin tək şəbi-yəlda ola bilməz.

Can nəqdinə bir busa kərəm qıl, səni tari,Dəxi demə “əl çək” ki, bu sevda ola bilməz.

Məndən sənə icz eyləmək olsun gecə-gündüz,Səndən mənə hey naz ki, haşa ola bilməz.

Bəs ki, məni görcək mənə vəhşi kimi baxdın,Indi dəxi Məcnun mənə həmta ola bilməz.

Məqtə — şairin təxəllüsü olan son beyt. Çox eşqə düşən aşiqi-biçarəni gördüm,Heç biri Nəbati kimi şeyda ola bilməz.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq