Nənə son nəfəsdədir,Nəvə bunu qanmayır,O bilmir həyat nədir,Ölümə inanmayır.

Gülür, atılır göyə,Dəcəllikdən doymayır.Hamı qəmlidir – niyə? –Uşaq bunu duymayır.

Xəstənin yorğanındaGəzir əli yenə də:– Nənə, nənə, yanındaTez ol, yer ver mənə də.

Dönüb, neçə sərt baxışUşağa – çəkil – dedi.– Nənə, bir nağıl danış.Danış Məlikməmmədi.

Dil boğaza qoymayırUşaq danışır yenə.Təzə həyat duymayırKi, artıq yoxdur nənə...

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri