Sevgilim, tut əlimdən,Gedək üzü küləyə,Rahatlıq gəzmirəm mənGedək üzü küləyə.

Qoy göynəsin üzümüz,Qoy yaşarsın gözümüz.Bükülməsin dizimiz,Gedək üzü küləyə.

Yollar daşlı-kəsəkli,Yollar çənli-çisəkli,Yollar qarlı-küləkli,Gedək üzü küləyə.

Min axşamla, səhərləBiz üzləşək hünərlə.Günlərlə, həftələrləGedək üzü küləyə.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri