Qaçqın gəlinə
Yayda yaylağa gedərlər,Səni sürdülər aranaYayın cırcırama çağıMən də duz basdım yarana.Xəyalın dağlar qoynunda,Yarpızlı dovğa bulayır.Dağda sənsiz qalan yurdunAxşam qurd olub ulayırEvi viran qalan bacım,Gözü-könlü talan bacım.Ala gözə bulud qonur,Göz yaşın qəlbinə axır.Sinəni yandırır, yaxır,Yuxarıdan Tanrı baxır,“Yaxan düymələ, düymələ”.
Yollar uzun, dağlar uzaq,Bu dərd varaqlara sığmaz,Bu dərdi yollara yazaq.Eyvanda qalan kitabıİndi külək varaqlayır.Siz dərəyə qaçan yerdə,
Hələ də bulaq ağlayır.Məhlədə qalan yüyrüyüHansı xəyal yırğalayır?Ağzı açıq qalan evlərAxşam qurd olub ulayır.Xəyal zəncir qırar qaçar,O səsdən ürək çapalar,Ürəyin sinəndən uçar,“Yaxan düymələ, düymələ”.
Bir gün köçün dönər geri,Gözündə ümid işığı,Ürəyində yanıq yeri...Yurd üçün susuz dodağın,“Oxqay” – deyib öpər yeri.Darvazasız məhlələrin,Divarı, daşı kövrələr.Ürəyimdə daşa dönmüş,Gözümün yaşı kövrələr,Susub qəlbimdə inlərəm:“Bəndləri uçuq ellərim,Yaxası açıq evlərim,Yaxan düymələ, düymələ”.
Kitabxana.az · https://kitabxana.az/works/fikret-qoca-qacqin-geline
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Əridib şəmi məhəbbət odu, qovğayə salıb.
Təcnis: Badi-səhər bir gözələ tuş oldumBadi-səhər bir gözələ tuş oldumOndan mənə dəydi aya sərandı
GedirsənMal sahibi necə gördün halını,Fələk pəncəsinə düşmüş gedirsən
Gülşəni-raz, fəsil 15دگر کردی سؤال از من که من چیستمرا از من خبر کن تا که «من» کیست؟