Şö’leyi-şəm’i-rüxün əğyarə bəzməfruz olur,

Ah kim, yetgəc bana bir bərqi-aləmsuz olur.

Qeyri-çeşmindən bulur hərdəm nigahi-mərhəmət,

Bən nə qıldım kim, nəsibim navəki-dilduz olur.

Hər gün açır könlümü zövqi-vüsalın yengidən,

Gərçi güllər açmağa hər ildə bir novruz olur.

Halətək çıxmaz evindən mahtələtlər müdam,

Hər kimin dövri-qəmərdə taleyi firuz olur.

Saidin zövqiylə tərk etmiş Füzuli aləmi,

Meyli-səhra eyləməz hər quş ki dəstamuz olur.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar