Batbat yeyən uşaqlar
Əqrəb yuvası, palçıq evlərdə,Daş əsrindən qalma iyrənc yadigar,Ölümü gözləyən, həyatdan məyus,Bir ovuc ac, çıplaq kəndli yaşayar.Hələ sökülmədən dağda dan yeri,Taxta qapıları günəş döymədənTüstülər pəyələr, səs-səda qopar,Çölə gedən olur, naxıra gedən.Dolub boşalırkən bulaq başlarıİnəklər, buzovlar sulardan içər.Dünyaya gəlirkən yeni yolçular,Əski yolçular da dünyadan köçər.Analar əlləşər şirin can üstə,Yoldan keçənləri çağırar dağlar.Hər yerdə görünər cinli, dualı,Zəhərli “batbat”dan yeyən uşaqlar.
Dövlətli uşağı yeyirkən qışda,Portaqalla alma, ananas, banan,Kəndli uşaqları meyvə dadmazlar.Onların meyvəsi batbatdı inan...Hakimlər buradan atını sürməz,Acından “qurudu qapanı” görməz.Bizim yerdə xaqan dəyişmə edər,Kəndlini soyub da zənginə verər.Basılarkən kitab, süslü zərnigar,Altun diyarında xatun səs salar.Hisli daxmalarda əkinçi çürür,Ölkənin şöhrəti dünyanı bürür.
Kitabxana.az · https://kitabxana.az/works/hebib-sahir-batbat-yeyen-usaqlar
← → düymələri ilə keçid, R — təsadüfi şeir
Müəllifin digər əsərləri
Kölgələnən qızıl dağlar görünür,Yaşıl ipək pərdələrin ardından.
Anam üçünYelkən öpüşü tək quru yaprağın,Sükutu titrətdi, durğun suları.
Ayın kölgəsiGümüş kölgə salıb qarlar üzkərə,Asimanda büllurlanan donuq ay,
Gecələrin nəğməsiTitrədir gecənin mərmuz əlləriAtlas pərdələrin saçaqlarını.
Başqa şairlərin şeirləri
Bahar fəsli yaz ayları gələndəOxur bizim yerin qazalağları
Gözlər, nə gözlərO tərlan baxışın qurbanı canım,Boy çəkib gözlərin gözlər, nə gözlər!
"Vankə"Allaha yalvardım: “Ağ daş, qara daş,Yalqızlıq çətindir, bana bir qardaş!”
GəlmədiVədə oldu xilaf, illər dolandı,Qıza nə üz verdi, nazlım gəlmədi.