Borçalı
Vaxtaşırı gəlib görmək istəsənHeç deməssən nə uzaqdı Borçalı,Xramçaydan bəri baxsan görərsənBaşdan-başa çilçıraqdı Borçalı.
Muğanlıdan, Qaçağandan nə deyim,Kişi qızdan, ər oğlandan nə deyim.Saraclıdan, Ağacandan nə deyimSazlı, sözlü bir ocaqdı Borçalı.
Başkeçidin ətəyi gül, başı qar,Çiçəklərdən dəstə tutur ilk bahar.Yaranışdan zirvə geniş, dərə dar,Həm arandı, həm yaylaqdı Borçalı.
Dost yolunda əsirgəməz nə desən,Harayına çatasıdı səsləsən,Şirininə acı qatmaq istəsən,Coşan seldi, yanan dağdı Borçalı.
Zəhmətilə daş-torpağa bağlıdı,Bol məhsullu bağça-bağa bağlıdı.Qazax ona, o, Qazağa bağlıdı,Nə məğrurdu, nə xoşbəxtdi Borçalı.
Hüseyn Arif qonağındı bu gün də,At çapmışam neçə toyda, düyündə.Qədirbilən nəsillərin önündə,Alnıaçıq, üzüağdı Borçalı.
Kitabxana.az · https://kitabxana.az/works/huseyn-arif-borcali
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Təbiət və bahar
مگر به ماتم پروانه سوگوارانند
QurbanBu gün bir qönçə ləb yarı sevmişəm,Dəhanında tuti dillərə qurban,
ŞəltükQutarmışdıq hər əngəldən, gənə bir əngəlim çıxdı,Cənabın bəxş edən şəltük içindən çox bəlim çıxdı.
KəsildiÇarx dolandı, üz döndərdi zamana,Əvvəl olan düz ilqarı kəsildi.