Yaz fəsli çəməndə üzün gülməsəHər güldən, çiçəkdən inciyərəm mən.Azca yanağının rəngi dəyişsə,Bu çəndən, çisəkdən inciyərəm mən.

Dolan, gəz elləri cavan yaşında,Yanında cəm olsun yar-yoldaşın da.Dağılsa tellərin bulaq başındaDağlarda küləkdən inciyərəm mən.

Həm sevinc görmüşəm yolunda, həm qəm,Yüz dəfə hökmünü dəyişib aləm.Arabir yanılıb xətrinə dəysəmSinəmdə ürəkdən inciyərəm mən.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar