Onsuz da həyatda xoşbəxt deyildim,Bir dünya möhnətdim, kədərdim, oğul.Kərəmi, Dilqəmi xatırlasam da,Kərəmdən, Dilqəmdən betərdim, oğul.

Həftələr dolanıb qalır arxada,Səhəri, Zöhrəni gətirib yadaSənsiz arsız-arsız qaldım dünyada,Sığmaz yüz kitaba bir dərdim, oğul.

Həyatda başadək deyib gülmədin,Hüseyn Arifə yaxın gəlmədinSən mənim çiynimdə gedə bilmədin,Of, sənin çiynində gedərdim oğul.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri