Soyuyar canımın odu bir zaman,Bu bir həqiqətdir, salıram yada.O vaxt gözlərimdə sönən çıraqdan,Bir ulduz alışıb yansın səmada.

Günlər dolandıqca əriyər bədən,Qaçma arxasınca dəva-dərmanın.Qolumun gücü də istərəm ki, mən,Gücünə çevrilsin neçə insanın.

Axsın ürəklərdə qəlbimin səsi,Sözüm də ellərin sözündə qalsın.Biz gəlib getsək də, ömür çeşməsi,Əbədi həyatın özündə qalsın.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri