Əbəs yaranmayır yarananda o,Silinməz tarixdən izi şairinAlovla yoğrulub, nurla bəzənib,Torpaqla bərkiyib dizi şairin.

Çox yalan eşidib, çox böhtan görüb,Çathaçat, vurhavur, qaçhaqaç görüb.Neçə soltan görüb, neçə xan görüb,Bir olub sifəti, üzü şairin.

Sevinci işıqlı səhər olubdur,Kədəri zülmətdən betər olubdur.Dililə dillərdə əzbər olubdur,Dərəsi, təpəsi, düzü şairin.

Yarası vətənin ağır yarası,Çarası həyatda haqqın çarası.Cibində tükənər pulu, parası,Ürəkdən tükənməz sözü şairin.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən