Ayrıldım, ayrılmaq istəməsəm də,Bir həyat neməti tapdım-itirdim.Məni qınamayın acı desəm də –Şəkəri, şərbəti tapdım, itirdim.

Varmı mənim kimi dərd çəkən aşiq,Dönüb zülmət oldu gözümdə işıq,Hanı o şirin dil, o xoş danışıq,Hər sözü-söhbəti tapdım-itirdim.

Üstümə gülməsin yaxınım, yadım,Şair çağrılsa da həyata adım,Necə indən belə yazım, yaradım,Şeri, şeriyyəti tapdım-itirdim.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri