Saqiya, mey ver ki mən meyxanədə küllənmişəm
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir. Son beyt məqtədir: şair orada öz təxəllüsünü çəkir.
Saqiya, mey ver ki mən meyxanədə küllənmişəm,Qəm hücumundan qaçıb bir küncdə gizlənmişəm.
Şuri-eşqin eyləyib divanə, müddət gəzmişəm,Bağlayıb dil həlqeyi-geysuya ta dincəlmişəm.
Zülfi-kəcgarın salıb sevdayə könlüm, sud yox,Tari-muyin kimi tari-muy tək incəlmişəm.
Sinəmi hər ləhzə tiri-qəmzən ilə qılma çak,Mən də vaxtında sənin tək naz ilə bəslənmişəm.
Məst sanma, eyləmə tənə mənə hər dövrdə,Çeşmi-məxmurun məni məxmur edib millənmişəm.
Bir əyağ ilə əlim tut, eyləmə birəhmlik,Çox oturdum sümm-bükmün* imdi ta dillənmişəm.
Çun xəzan olmuş fəraqində tənü cani-həzin,Açılıb zəxmi-dərun gül-gül, əcəb güllənmişəm.
Çəmxəmindən piçütabə gəldi könlüm riştəsi,Fikri-sərvi-qamətindən rast ikən xəmlənmişəm.
Qan olub könlüm mənim bu badeyi-səhba kimi,Dürdi-mey tək şişədə çoxdan qalıb lillənmişəm.
Bir sənubər qamətü gülpeykərü LeylivəşinValehü heyraniyəm, Məcnunsifət çöllənmişəm.
Məqtə — şairin təxəllüsü olan son beyt. Oldu zülfün telbətel, yetdi dimağə buyi-müşk,Açılıb könlüm, Kəminə, gör necə tellənmişəm.
Kitabxana.az · https://kitabxana.az/works/kemine-saqiya-mey-ver-ki-men-meyxanede-kullenmisem
← → düymələri ilə keçid, R — təsadüfi şeir
Müəllifin digər əsərləri
Əlbəttə dili-şadə deyil kimsə qərinə,Həmta ola bilməz ona biçarə Kəminə.
Ənbərin buyu əgər dolmuş o geysulərdəƏnbərin buyu əgər dolmuş o geysulərdə,Belə xoş buy dəxi olmaz o xoşbulərdə.
Cana, bu nə cadudur, qaşu göz arasındaCana, bu nə cadudur, qaşu göz arasında,Nitqim tutulur görcək hərdəm, soz arasında.
Cövri-rəqib, sərzənişi-əhli-ruzigarCövri-rəqib, sərzənişi-əhli-ruzigarQoymaz qılam bu dərdi-dili yarə aşikar.
Başqa şairlərin şeirləri · Eşq
Ey canım cəlladı, ömrüm yağısı,Məgər səndə zalım din iman yoxdur,
Azərbaycandan ayrılmazGözəllik, incəlik, sevgi, vəfa insandan ayrılmaz,Coşan sellər, axan çaylar necə ümmandan ayrılmaz.
AyrıldıqXeyli vaxtdır ayrılmışıq yar ilən,Gördük, amma tanışmadıq, ayrıldıq.
Yenə, ey gözləri məftun, sənə məftunəm mənYenə, ey gözləri məftun, sənə məftunəm mən,Zarü məhzunü digərgunü ciyərxünəm mən.